La raccolta di poesie Fà pûr sänper al tô nómmer ("Fai pur sempre il tuo numero") si pone in un'ideale continuità con le precedenti due pubblicate dall'autore, riferendosi nel titolo al tono scherzoso e all'amore per la battuta finale che contraddistinguono il suo stile poetico. Come se il suo gruppo amici, all'udire questi nuovi versi, esclami: "Và pûr là Giurgén, fà pûr sänper al tô nómmer!".

Giurgén Canpi l é un Autåur ch'al s é presentè dal dåumélla e zéncv col lîber ed poesî "Al Sumarnâz", pió ed zänt poesî, ónna pió bèla che cl'ètra, méssi in socuànt grupadén secånnd l argumänt: la vétta, l amåur e äl dôn, i prît e la religiån, ritrât e filosofî, i bistiulén, la môrt, la guèra e i bunbardamént, i baladûr... Dal dåumélla e ôt l é saltè fôra col lîber "Bacâi da cafà", un zintunèr abundànt ed poesî méssi in fîla bâsta ch'séppa, acsé la zänt i n stan pió lé a vàdder s'l'é gióssta che ónna la stâga atais a cl'ètra. "Bacâi da cafà" l à anc un mêrit brîsa da rédder: l é stè scrétt in OLM (Ortografia Lessicografica Moderna) ch'l'é la manîra ed scrîver al dialàtt bulgnai§ studiè e spieghè da zänt ch'i s n intànnden.
St ân pó, 2012, ai vén fôra cal bèl libartén che qué che Giurgén (con un zêrt spîrit ed cuntinuitè con chi èter dû) l à vló ciamèr "Fà pûr sänper al tô nómmer".
L'amîg imazinèri ch'ai dî§ acsé l é ón ch'al le cgnóss pulîd, ch'l à lèt i prémm dû lîber, l à lèt cal lîber qué e, quand l é arivè d cô, l à abrazè Giurgén e, int un'uraccia, al i à détt: "Và pûr là, Canpi, fà pûr sänper al tô nómmer!".